ఈ బ్లాగ్ లో పోస్ట చేయబడిన అన్నీ రకాల వంటలు, టిప్స్ సలహాలు కేవలం ఎడ్యుకేషన్ పర్పస్ కొసమే వాటిని ఉపయోగించే ముందు వాటికి సంబందించిన వారి మరియు డాక్టర్ సలహా తీసుకొని ఉపయోగించ మనవి.

Search This Blog

TWW FOLLOWERS

DETAILED HISTORY AND INFORMATION ABOUT SRI DURGA NAGESWARA SWAMY TEMPLE - PEDAKALLEPALLE VILLAGE - KRISHNA DISTRICT - ANDHRA PRADESH - INDIA


పెదకళ్లేపల్లి శ్రీ దుర్గా నాగేశ్వర స్వామి


కృష్ణానదీ తీరాన ఉన్న పుణ్యక్షేత్రాలలో దక్షిణకాశీ గా పిలువబడుతున్న పుణ్యక్షేత్రం పెదకళ్లేపల్లి. బౌద్ధుల కాలం లో ఈ క్షేత్రాన్ని “కడలిపల్లి” గా పిలిచేవారు. ఇచ్చట స్వయంభువు గా కొలువుతీరిన మూర్తి శ్రీ దుర్గా నాగేశ్వర స్వామి.

* స్ధలపురాణం

“ యత్ర నాగేశ్వరో దేవ: కృష్ణాచోత్తర వాహినీ,
తత్ర స్నాత్వా చ పీత్వా చ పునర్జన్మ నవిద్యతే.!!”

“ ఎక్కడ నాగేశ్వరుడు దైవంగా నిలిచి, కృష్ణ ఉత్తర వాహిని గా ప్రవహిస్తోందో, అక్కడ స్నానం చేసినా, ఆ నీరు త్రాగినా వారికి పునర్జన్మ ఉండద” ని స్కాంద పురాణోక్తి.
పెదకళ్ళేపల్లి క్షేత్రమహిమ ను గూర్చి స్కాంద పురాణం లో వివరంగా ప్రస్తావించ బడింది. ఈ క్షేత్రమహాత్మ్యం గురించి అగస్త్యుడు శ్రీరామునికి చెప్పినట్లు పద్మపురాణం లో కనపడుతోంది. అనేకమైన సమాన ధర్మాలు ఉత్తరాన ఉన్నకాశీ క్షేత్రానికి దక్షిణాన ఉన్న పెదకళ్ళేపల్లి కి ఉన్నట్లు చెపుతున్నారు.

* కాశీలో విశ్వేశ్వరస్వామి ----కళ్ళేపల్లి లో నాగేశ్వరస్వామి
* క్షేత్రజ్ఞుడు కాలభైరవుడు ---- క్షేత్రజ్ఞుడు కాలబైరవుడు
* క్షేత్ర పాలకుడు బిందుమాధవస్వామి ------ క్షేత్రపాలకుడు వేణుగోపాలస్వామి
* ఆనంద వనం ---- కదళీవనం
* మణికర్ణికా ఘట్టం ------ పరికర్ణికా ఘట్టం.
* గంగానదీ తీరం ------కృష్ణానదీ తీరం.

అందుకే దీన్ని దక్షిణ కాశి గా పిలుస్తున్నారని స్ధలపురాణం.

బదరిక,కేదార,నైమిశ,దారుక,ఉత్సల,పుష్కల, ఆనంద, సైంధవ, గుహా, మహాదండక, బృందకామిక, చంప, వింధ్య , వీక్ష మొదలైన అరణ్యాలతో పాటు 18 వ అరణ్యంగా కదళికారణ్యం ఉన్నట్లు పురాణాల్లో చెప్పబడింది.ఆ కదళీకారణ్య మే ఈ కదళీపుర క్షేత్రమని అంటారు.
జనమేజయుడు సర్పయాగం చేసిన స్ధలం కూడ ఇదే నని పురాణాలు పేర్కొన్నాయి. ఈ క్షేత్రానికి కదళీపురమనే పేరు రావడానికి మరో కథ కూడ ఉన్నట్లు పెద్దలు చెపుతారు.

ఈ క్షేత్రం లో పూర్వం కశ్యప ప్రజాపతి పుత్రులైన కర్కోటక, వాసుకి, తక్షక, శంఖచూడ, ధృతరాష్ట్ర ,శంఖపాల, ధనుంజయ, హింగళు లన పేరు గల అష్టఫణి రాజుల తల్లి కద్రువ. కద్రువ శాపవిముక్తి కై ఒకవేదిక ను నిర్మించి , ఆచ్ఛాదనకై నాలుగువైపులా కదళీతరువుల నెలకొల్పి, ఈశాన్య భాగం లో గోముఖాకారంలో ఒక తటాకాన్ని త్రవ్వి, దానిలో స్నాన మాచరిస్తూ నియమ నిష్టలతో పరమేశ్వరుని పూజిస్తూ ఉండేది. ఒకరోజున ఆమె పూజలో ఉండగా ప్రక్క నున్నకదళీ తరువులు ఒక్కసారి గా ఫెళ ఫెళార్భాటాలతో విరిగి పడ్డాయి. అందులో నుండి దుర్గా సమేత నాగేశ్వర స్వామి లింగరూపం లో దర్శనమిచ్చారు. అంతట వారు కంగారు గా” కదళీ,! కదళీ!’ అని కేకలు వేయడం తో పరమేశ్వరుడు ప్రత్యక్షమై, వారితో” భోగులారా! నేను ఉద్భవించే సమయాన మీరు వేసిన కేకలు ఆచంద్రతారార్కం నిలిచి ఉండునట్లు గా, ఈ ప్రాంతం కదళీపురం గా పిలువ బడుతుందని” వరమిచ్చాడు . ఆ కదళీపురమే కాలక్రమేణ” పెదకళ్లేపల్లి “గా రూపాంతరం చెందింది.

* పరికర్ణికా ఘట్టం

ఈఆలయానికి ఈశాన్యం లో “ నాగకుండం” అనే సరస్సు ఉంది. దీనినే “నాగహ్రద “మని,” నాగ సరోవరమని” పిలుస్తారు. ఉత్తమ తీర్ధాలన్నీ దీనిలో సంగమించడం వలన దీనిని” పరికర్ణికా”” తీర్ధమని పిలుస్తున్నారు. ఇక్కడ నాగ,రుద్ర,బ్రహ్మ, బైరవ ,కుముద్వతి, అంబిక శారద మొదలైన పేర్ల తో కుండాలున్నాయి. ఇక్కడ శకు తీర్ధము, చంద్రకుండము కూడ ప్రసిద్ధి చెందినవే.

* ఆలయప్రత్యేకత.
ఈ క్షేత్రం లోని లింగము కర్కోటకము అనే సర్పరూపమున స్పటికలింగముగా దర్శనమిస్తుంది. ఇక్కడ స్వామి వారు స్వయంభువు. ఆలయప్రదక్షిణ మార్గం లో సత్యస్ధంభం ఉంది. ఇది పాలరాతి స్ధంభం. బౌద్ధ చిహ్నాలతో అస్పష్టంగా కన్పించే బ్రాహ్మీలిపి తో ఉన్న ఈ స్ధంభం ధగ్గర ప్రమాణం సత్యమైందిగా నమ్మకం. ప్రమాణం సమయంలో అబద్ధం చెప్పిన వ్యక్తి పై స్ధంభం విరగిపడటంతో ఆవ్యక్తి మరణించాడు. నేటికీ ఈ స్ధంభం లో సగం మాత్రమే కన్పిస్తూ ఉంటుంది. యాత్రీకులు ముందుగా ఈ సత్యస్ధంభాన్ని దర్శించిన తరువాతే స్వామివారిని సేవిస్తారు.

ఆలయ గోడలమీద వివిధ దేవతా కృతులు కొలువు తీరి ఉన్నాయి. వీనిలో పంచముఖ గణపతి సింహాసనారూఢుడై దర్శనమిస్తాడు. ది చాలా అరుదైన విగ్రహం.

ఆలయప్రాంగణం లో వాయవ్య దిశ లో సుబ్రమణ్యేశ్వర ఆలయం, ఉత్తర దిశ లో ధక్షిణాభిముఖం గా కాలభైరవాలయం ఉన్నాయి. ధక్షిణ భాగ ఉపాలయం లో వీరభద్రుడు,భద్రకాళి, ఉత్తరంగా ఉన్నఉపాలయం లో దుర్గామాత కొలువుతీరియున్నారు. ఈశాన్య దిశ లో 16స్ధంభాల కళ్యాణమండపం నిర్మించబడింది.

* ప్రాచీనత

క్రీ.శ 1292 లో కాకతీయ రాజగురువు సోమశివాచార్యులు ఈ ఆలయాన్ని తొలిసారి ఉద్ధరించినట్లు తెలుస్తోంది. ఆలయ విగ్రహం దక్షిణవైపు గోడ లో ఇప్పటికీ ఉంది. తరువాత దేవరకొండ సంస్ధానాధీశులు 13 వ జమీందారు కోదండరామన్న గారు 1782 లో పునర్నిర్మాణ కార్యక్రమాలు చేశారు.1795 లో 15 వ జమీందారైన నాగేశ్వర నాయుడు గారు గాలిగోపుర నిర్మాణం గావించారు.

* ఫ్రత్యేక ఉత్సవాలు.

శ్రీ దుర్గానాగేశ్వరస్వామి వారి ఆలయం లో ఉగాది పర్వదినం, శ్రావణపూర్ణిమ రోజున లక్ష కుంకుమార్చన, శ్రీకృష్ణ జన్మాష్టమి, ఆశ్వీయుజమాసం లో అమ్మవారి శరన్నవరాత్రి ఉత్సవాలు, కార్తీకమాసం లో అఖండ దీపారాధన, ఆరుద్రోత్సవాలు వైభవంగా నిర్వహిస్తారు. మహాశివరాత్రి నాడు స్వామి వారి కళ్యాణోత్సవం, రథోత్సవం, కన్నులపండువు గా జరుగుతుంది.

* క్షేత్రపాలకుడు

పెదకళ్లేపల్లి శ్రీ దుర్గా నాగేశ్వరస్వామి క్షేత్రానికి క్షేత్రపాలకుడు శ్రీ వేణుగోపాలస్వామి. రుక్మిణీ సత్యభామాసమేతుడైన వేణుగోపాలుడు ఈ క్షేత్రాన్ని సంరక్షిస్తున్నాడు.ఈ వేణుగోపాలస్వామి ని విశ్వామిత్రుడు ప్రతిష్టించి నట్లు పద్మపురాణం చెపుతోంది.

* రవాణా సౌకర్యాలు.

ఈ క్షేత్రం మచిలీపట్టణానికి 35 కి మీ. దూరం లోను, మోపిదేవి, చల్లపల్లి కి 10 కి మీ.దూరం లోను, విజయవాడ కు 75 కి.మీ,రేపల్లె కు 20 కి.మీ .దూరం లోను ఉంది. ఆర్టీసీ మచిలీపట్నం, విజయవాడ,చల్లపల్లి, అవనిగడ్డ ల నుండి పరిమిత సంఖ్య లో సర్వీసులను నడుపుతున్నారు. అందువలన ఇక్కడకు చేరుకోవాలంటే స్వంతవాహనం ఏర్పాటు మంచిది. శ్రమ, సమయము ,రెండూ కలిసివస్తాయి. గ్రామీణ ప్రాంతాల్లో లభ్యమయ్యే కాఫీ ఫలహారాలు మాత్రం లభిస్తాయి. నివాసానికి ఎటువంటి సౌకర్యాలు లేవు. తప్పక చూడవలసిన శైవ క్షేత్రాల్లో పెదకళ్లేపల్లి ఒకటి.

BRIEF HISTORY AND PARTICULARS OF SRI RAMASWAMY TEMPLE - SRIRAMA THIRDHAM - VIJAYANAGARAM DISTRICT - ANDHRA PRADESH - INDIA


శ్రీ రామస్వామి వారి దేవస్థానం

శ్రీరామతీర్థం, విజయనగరం జిల్లా, ఫోన్‌ : 08922-244036

విజయనగరం పట్టణానికి ఈశాన్యంగా 12 కి.మీ. దూరంలో చంపావతీ నదీ సమీపంలో శ్రీరామతీర్థం వుంది. ఈ క్షేత్రంలో భక్తుల పాలిట కల్పతరువై, భక్తజనులను అమృతహస్తాలతో ఆదుకొనే దివ్యమంగళ స్వరూపులైన శ్రీ సీతాలూణ సమేతులైన శ్రీరామచంద్ర ప్రభువుల దేవాలయం నిర్మించబడింది. ఇక్కడ గల శ్రీ స్వామివారు నీటి మడుగులో అంటే 'తీర్థం' నందు లభించుట వలన ఈ క్షేత్రానికి 'రామతీర్థం' అని పేరు వచ్చింది.

* శ్రీరామతీర్థ క్షేత్ర మాహాత్యం

ద్వాపరయుగంలో పాండవులు ఈ ప్రాంతంలో అరణ్యవాసం చేసినపుడు, శ్రీకృష్ణుిని తోడు రమ్మనగా, అందుకు శ్రీకృష్ణ పరమాత్మ సున్నితంగా తిరస్కరిస్తూ, మేము రామావతార సమయమున ఈ దండ కారణ్య ప్రాంతంలోనే సంచరించామనీ, మీరు కూడ సంచరించండి అని నాటి వనవాసమూర్తులైన సీతాలక్ష ్మణ సమేత మచంద్రుని విగ్రహ ప్రతిమలను తన భగవత్‌ లీలచే సృష్టించి పాండవులకు అంద జేస్తూ, పూజించుకోమని చెప్పాడు. ఆవిధంగా పాండవులు కొంతకాలం ఆరాధన చేసుకొని, వారు వేరే ప్రాంతానికి వెళ్తా, 'వేదగర్భు' అగు శ్రీవైష్ణవునకు ఆ విగ్రహాలను అప్పగించి, నిత్యం పూజాదికాలు నిర్వ హించమని చెప్పి వెళ్ళిపోయారు.

ఆ తర్వాత వేదగర్భు కొంతకాలం అర్చన చేసుకొన్న అనం తరం ఈ ప్రాంతంలో బ∫ద్ధుల ప్రాబల్యం పెరిగి, వారు విగ్రహా రాధనలకు వ్యతిరేకంగా వ్యవహరిస్తుండం వలన, వేదగర్భు శ్రీ సీతారామలక్ష ్మణుల విగ్రహాలను భూమిలోపల భద్రపరచి వేరేప్రాంతా నికి వెళ్లిపోయాడు. విజయనగర సంస్థానాధీశులైన పూసపాటి వంశీయులు ఈ ప్రాంతమునందు గల 'కుంభిళాపురము' (నేటి కుమిలి గ్రామం) ను రాజధానిగా చేసుకొని పరిపాలించేవారు. పూసపాటి సీతారామచంద్ర మహారాజుగారి పాలనలో ధర్మరక్షణ గావించబడుచూ దేశం సుభిక్షంగా ఉండేది. ఆ రాజ్య ప్రజలు దండకారణ్యంగా వున్న ఈ ప్రాంతంలో వంటచెరకు, కందమూలాదులు, ఫలజాతులు సేకరించుటకు ప్రతిరో వచ్చేవారు.

ఒకరోజు సాయంత్రం పుట్టు మూగది అయిన ఒక ముదుసలి అక్కడకు రాగా కుంభవృష్టిగా వాన వచ్చింది. మహావృక్షాలు కూడ ఫెళఫెళ ధ్వనులతో నేలకొరుగుతుండగా ఆ బీభత్సానికి భీతిల్లిన జంతు వుల నలుదిక్కులకూ పరిగెత్తసాగాయి. అరణ్యానికి వచ్చిన ప్రజలు కూడ కకావికలురయ్యారు. ఎటూ పాలుపోని ఆ ముదుసలి ఒక చెట్టు తొర్రలో తలదాచుకొని ఏడుస్తుండగా ఆ రాత్రి సమయాన శ్రీరామచంద్ర ప్రభువు సాక్షాత్కరించి దర్శనమిచ్చారు.

ఆమె ఆనందంతో ఉబ్బితబ్బిబ్బై సంజ్ఞలతోనే ప్రార్థించగా, శ్రీరామ చంద్రుడు ఆమె నాలుకపై దర్భకొనతో బీజాక్షరాలు వ్రాయగా, ఆమెకు మాటలు వచ్చాయి. ఆమె ఆనందపరవశురాలై, తనది కుంభిళా పురమనీ, తమను పాలించువారు పూసపాటి సీతారామచంద్ర మహా రాజులనీ వివరించింది. తమ విగ్రహాలు భూగర్భంలో ఉన్నాయనీ, మీ రాజావారికి వివరించి, ఈ స్థలములో దేవాలయము నిర్మించమని చెప్పమనీ ఆజ్ఞాపించి, అంతర్థానమయ్యెను. అదే సమయానికి మహా రాజావారికి, కలలో భగవంతుడు సాక్షాత్కరించి ముదుసలి చెప్పిన విధంగా చేయమని ఆజ్ఞాపించారు.

తెల్లవారేసరికి ముదుసలి గ్రామానికి వెళ్ళేసరికి, మహారాజావారు ఆమెను ఆస్థానానికి రమ్మనమని కబురుపంపారు. ఆమె వెళ్లి భగవత్‌ సాక్షాత్కారం అయిందనీ, శ్రీరామచంద్ర ప్రభువు ఆలయాన్ని నిర్మించమని ఆజ్ఞాపించినట్లుగా చెప్పింది. వెనువెంటనే మహారాజావారు ఈ అరణ్యప్రాంతానికి వచ్చి, వెతికించగా ఒక ప్రాంతంలోని నీటి మడుగున సీతారామలక్ష ్మణుల విగ్రహ ప్రతిమలు లభించాయి. అప్పుడు వాటిని ఆనందంతో వెలికితీసి, దేవాలయాన్ని నిర్మించి, మాఘ శుద్ధ ఏకాదశి (భీష్మ ఏకాదశి) నాడు ప్రతిషిసం చం జరిగింది. నాటినుండి రామతీర్థం విజయనగరం జిల్లాలోనే కాక మన రాష్ట్రంలోని ప్రముఖ దివ్యక్షేత్రంగా విరాజిల్లుతోంది.

BRIEF HISTORY AND INFORMATION ABOUT AHOBILAM NARASIMHA SWAMY TEMPLE


అహోబిలం

కర్నూలు జిల్లా నంద్యాల సమీపంలో 'అహోబిల క్షేత్రం' అలరారుతోంది. ఇక్కడి శాసన ఆధారాలను బట్టి ఈ క్షేత్రం దిగువ అహోబిలం ... ఎగువ అహోబిలంగా విభజించబడినట్టు తెలుస్తోంది. ఈ రెండింటికి మధ్య 13 కిలోమీటర్ల దూరం వుంటుంది. హిరణ్య కశిపుడిని వధించిన అనంతరం నరసింహస్వామి ఉగ్రరూపంలో ఈ కొండ ప్రదేశానికి వచ్చాడు. అప్పుడు దేవతలంతా 'అహోబలం' అంటూ ఆయన పరాక్రమాన్ని ప్రస్తుతించడం వలన, అదే ఈ ప్రదేశానికి పేరుగా మారింది. స్వామి బిలంలో వేంచేసి ఉన్నందువలన కాలక్రమంలో ఆ పేరు 'అహోబిలం'గా మారింది.

నవనారసింహ క్షేత్రాలలో 'అహోబిలం' మొదటిదని చెప్పబడుతోంది. ఈ క్షేత్రంలో అహోబిల నరసింహుడు ... జ్వాలా నరసింహుడు .. మాలోల నరసింహుడు .. వరాహ నరసింహుడు .. కారంజా నరసింహుడు .. భార్గవ నరసింహుడు .. యోగానంద నరసింహుడు .. ఛత్రవట నరసింహుడు .. పావన నరసింహుడు .. రూపాలు కొలువుదీరిన కారణంగా ఇది నవనారసింహ క్షేత్రంగా ప్రసిద్ధిచెందింది.

108 వైష్ణవ దివ్య క్షేత్రాలలో ఒకటైన అహోబిల క్షేత్రాన్ని, త్రేతాయుగంలో శ్రీరాముడు సీతాన్వేషణకి బయలుదేరడానికి ముందు ... ద్వాపరయుగంలో పాండవులు అరణ్యవాస సమయంలోను ... కలియుగంలో వేంకటేశ్వరుడు తన వివాహ సమయంలోను దర్శించుకున్నట్టుగా స్థల పురాణం చెబుతోంది. ఇక ఆది శంకరాచార్యులు ... రామానుజా చార్యులు ... మధ్వా చార్యులు కూడా ఈ క్షేత్రాన్ని దర్శించారు.

అనేక పవిత్ర తీర్థాల కలయిక కారణంగా ఇక్కడ ఏర్పడిన 'భవనాశిని తీర్థం' మహిమాన్వితమైనదిగా చెప్పబడింది. కాకతీయ రాజులు .. రెడ్డిరాజులు .. విజయనగర రాజులు .. అహోబిలం క్షేత్ర అభివృద్ధికి తమవంతు కృషి చేశారు. ఈ కారణంగానే అహోబిలం క్షేత్రం నేడు ఆధ్యాత్మిక వైభవానికి అద్దం పడుతోంది.

ఇక్కడి విశాలమైన ఆలయ ప్రాంగణం ... మనసుదోచే మంటపాలు ... ఎత్తైన గోపురాలు ... గర్భాలయ విమానాలు ... పొడవైన ప్రాకారాలు ఆశ్చర్య చకితులను చేస్తాయి. ఆధ్యాత్మిక .. చారిత్రక .. శిల్పకళా వైభవాన్ని ప్రతిబింబించే అహోబిల క్షేత్రాన్ని దర్శించుకుంటే మనసు మంత్ర ముగ్ధమవుతుంది ... జన్మ చరితార్థమవుతుంది.

LinkWithin

Related Posts Plugin for WordPress, Blogger...