నా భార్యకనబడలేదు జోక్*
తన భార్య తప్పిపోయిందంటూ కొడుకుతోసహా వెళ్ళి పోలీస్ స్టేషన్ లో కంప్లెయింట్ చేస్తున్నాడు శంకరం.
"ఆనవాళ్ళు చెప్పండి" అడిగాడు ఎస్.ఐ.
"కళ్ళు పెద్దగా ఆల్చిప్పల్లా ఉంటాయి. పొడుగు జడ. దబ్బపండు ఒంటిఛాయతో మెరిసిపోతుంటుంది..." అంటూ ఇంకా చెబుతుండగానే అతడిని మెల్లిగా గీరుతూ "అయ్యో నాన్న... నువ్వన్నీ తప్పులు చెబుతున్నావ్" అడ్డం పడబోయాడు కొడుకు చింటూ.
"నువ్వు నోర్మూసుకో! రేపొకవేళ ఎస్.ఐ.గారు ఈ పోలికలతో ఎవరినైనా ఇంటికి తీసుకొస్తే అమ్మ కాదంటూ తెలివి తక్కువగా వాగకు" కొడుకుని పక్కకు తీసుకెళ్ళి గదమాయించాడు శంకరం...!