COURT CASE - JUDGMENT - TELUGU FUNNY JOKES COLLECTION

కోర్ట్ కేసు

రాధిక ప్రదీప్ ల మధ్య గొడవ కోర్టు మెట్లు ఎక్కింది 

కోర్టులో జడ్జి గారు ఇరుపక్షాల వాదనలూ విన్నారు . ప్రదీప్ తాగి వచ్చి రాదికను కొడుతున్నాడు అన్నది అభియోగం . తాగడం తప్పు కాదు అని కదా ప్రభుత్వమే అమ్ముతోంది 
.
. జడ్జి గారు ప్రదీప్ తో 
.
" నువ్వు ఎట్టి పరిస్థితులలోనూ రాధికను కొట్టను అని హామీ ఇస్తే ఆమె నీతో కాపురం చెయ్యడానికి సిద్ధమే అంటోంది . నువ్వు ఏమంటావు ? " 
.
అలాగే అన్నాడు ప్రదీప్ . ఇద్దరూ అంగీకరించడం తో కేసు కొట్టేశారు 

మర్నాడు ఉదయం మళ్ళీ కోర్టుకు వెళ్ళింది రాధిక భర్త తనను చావా గొట్టేశాడు అని .

ప్రదీప్ ని తన చాంబర్ లోకి పిలిపించిన జడ్జి 
.
" ఎందుకు నిన్న మళ్ళీ కొట్టావుటా ? " అడిగారు .
.
ప్రదీప్ చెప్పడం మొదలు పెట్టాడు . 

నిన్న మా ఇద్దరి మధ్య సయోధ్య కుదిరింది అనే ఆనందం తో రెండు పెగ్గులు కొడదామని బార్ కి వెళ్లాను సర్ ! . నేను పొందిన ఆనందం వలన రెండు పెగ్గులకు కిక్కు ఎక్కలేదు సర్ ! నెమ్మదిగా ఫుల్ బాటిల్ తాగేశాను సర్ " 

ఇంటికి వెళ్లాను . అడుగు పెట్టానో లేదో మా ఆవిడ తిట్టడం మొదలు పెట్టిందండి 

జడ్జి : " తిట్టదా మరి ! ఏమని తిట్టింది ?" 

ప్రదీప్ : " ఆ మురుగు కాలవ నీళ్ళు తాగి వచ్చేశారా ? మీ మురుగు పొట్టకి అవి తాగితే కానీ కడుపు నిండదు అంది . నేను ఏమీ అనకుండా లోపలికి వెళ్ళాను ."
.
జడ్జి : " మరి నువ్వు కొట్టావు అంటోంది "

ప్రదీప్ : " అపుడు చొక్కా విప్పుతూ ఉంటె పనీ పాటా లేకుండా పొద్దున్నే బట్టలు వేసుకుని వెళ్లి తాగి తందనాలాడి , ఊరంతా బలాదూరు తిరిగి అర్ధ రాత్రి సిగ్గూ శరమూ లేకుండా ఇంటికి వచ్చి పెళ్ళాం పెట్టె ముద్ద తినడానికి సిగ్గూ శరమూ ఉండక్కరలేదా ? " అందండీ 
.
. అప్పుడు కూడా నేను మాట్లాడకుండా ఉన్నానండి 

జడ్జి : " మరి నువ్వు కొట్టావు అంటోంది "

అప్పుడు ప్రదీప్

" ఆ జడ్జి వెధవ కి బుద్ధీ జ్ఞానం ఉంటె నువ్వు ఈ పాటికి జైల్లో చిప్ప కూడు తింటూ దోర్లేవాడివి " అంటూ తిట్టిందండి . 
.
అప్పుడు నేను భరించలేక పోయాను సర్ ! 

అమె మిమ్మల్ని అలా అనడం సహించలేక పోయాను సర్ !