ఈ బ్లాగ్ లో పోస్ట చేయబడిన అన్నీ రకాల వంటలు, టిప్స్ సలహాలు కేవలం ఎడ్యుకేషన్ పర్పస్ కొసమే వాటిని ఉపయోగించే ముందు వాటికి సంబందించిన వారి మరియు డాక్టర్ సలహా తీసుకొని ఉపయోగించ మనవి.

Search This Blog

TWW FOLLOWERS

VUSIRIKAYA ARYOGYA RAHASYALU - HEALTH BENEFITS WITH AMLA


POSITION OF A GOMATHA


LORD SIVA PARVATHI IMAGE


MOM AND DAUGHTERS PAINTING


HEALTH BENEFITS WITH INDIAN SPICES - LAVANGAM UPAYOGALU


THIRUPPAVAI 24TH DAY PASURAMU


 తిరుప్పావై (అన్ఱివ్వులగమ్ అళందాయ్ అడి పోత్తి)24వ పాశురము

ప్రస్తుతము గోపికలు మంచి దశకు చేరి ప్రేమ దసలోనున్న వారగుటచే తమకు కలిగిన అమంగళములను అతనిని దర్శించి పోగొట్టుకోవాలని, తమకు లేని మంగళములను సంపాదించుట మాని ప్రేమైక హృదయులై శ్రీ కృష్ణునకు మంగళము పాడుచున్నారు.ఇట్లే గోపికలు శ్రీ కృష్ణ పరమాత్మ వలన తమ కార్యము నెరవేరునని, తమ ప్రభువు నడచి వచ్చి ఆసనము పై కుర్చొనగానే ఆ పాదాలు ఎర్రదనము చూచి తామూ చేసిన యపచారమునకు భాధపడి మంగళము పాడిరి. ఈ పాశురము చాలా విశేషమైనది. స్వామివారికి హారతి చాలా ఇష్టం కదా ఈ పాసురములో స్వామికి హారతి ఎక్కువగా ఇస్తారు. విశేషమైన నివేదనగా దద్యోజనం ఆరగింపుగా ఇవ్వాలి.

* అన్ఱివ్వులగమ్ అళందాయ్ అడి పోత్తి పాశురము:

అన్ఱివ్వులగమ్ అళందాయ్ అడి పోత్తి
శెన్ఱంగు త్తెన్-ఇలంగై శెత్తాయ్ తిఱల్ పోత్తి
పొన్ఱచ్చకడం ఉదైత్తాయ్ పుగర్ పోత్తి
కన్ఱుకుణిలా వెఱిందాయ్ కరిల్ పోత్తి
కున్ఱుకుడైయా వెడుత్తాయ్ కుణమ్ పోత్తి
వెన్ఱు పకై కెడుక్కుమ్ నిన్ కైయిల్ వేల్ పోత్తి
ఎన్ఱెన్ఱుమ్ శేవకమే యేత్తి ప్పఱైకొళ్వాన్
ఇన్ఱు యాం వందోం ఇరంగ్-ఏలోర్ ఎంబావాయ్

తాత్పర్యము:

ఆనాడు బలి చక్రవర్తి తనదికాని రాజ్యమును తానూ ఆక్రమించి దేవతలను పీడించగా ఈ లోకమునంతను వానివద్దనుండి దానము పట్టి పాదములతో కొలిచిన మీ దివ్య పాదములకు మంగళము .రావణుడు సీతమ్మను అపహరించుకొని పోగా ఆ రావనుడుండు లంకకే వెళ్లి సుందరమగు భవనములు కోటయుగల దక్షినదిసనున్న లంకలో ఉన్నా రాక్షసులను చెండాడిన మీ భాహు పరాక్రమములకు మంగళము . శ్రీ కృష్ణునకు రక్షణకై యుంచిన బండిపై ఆవేసించిన రాక్షసుని చంపుటకై ఆ బండికి తగులునట్లు కాలుచాచి నేలకూల్చిన మీ అప్రతిమ కీర్తికి మంగళము .వత్సము పై ఆవేసించిన అసురునితో వెలగ చుట్టుపై నాఎసించిన యసురుని చంపుటకై ఓడిసేలరాయి విసరినట్లుగా వెలగ చెట్టుపైకి దూడను విసరనపుడు ముందువేనుకకు పాదములుంచి నిలచిన మీ దివ్య పాదములకు మంగళము. ఇంద్రుడు తనకు యాగము లేకుండా చేసినని కోపముతో రాళ్ళ వాన కురియగా గోపాలురకు గోవులకు భాధ కలుగకుండా గోవర్ధన పర్వతమును గోడుగువలే ఎత్తిన మీ వాత్సల్యమునకు మంగళము. శ త్రువులను సములముగా పెకలిచి విజయము నార్జించి ఇచ్చేది మీ హస్తమునందలి వేలాయుధమునకు మంగళము.

ఈ విధముగా నీ వీర చరత్రములనే కీర్తించి పర అనే సాధనము నందగ మేమీనాడు వచ్చాము అనుగ్రహించుము.

అని ఈ పాశురములో మంగళము పాడుతూ భగవానుని అనుగ్రహించమని కోరుచున్నారు.

నిన్న మన వాళ్ళు స్వామిని లేచి రమ్మని చెప్పారుకదా, స్వామి వస్తుంటే ఆయనపాదాలను చూసారు అవి కందిపోయినట్లు అనిపించింది. పాదాలు స్వతాహా గులాభి రంగులో ఉంటాయి కానీ వీళ్ళకేమో వీళ్ళ పిలుపికి స్వామి నడిచి వచ్చినందుకు కంది పోయాయి అనుకుంటున్నారు. వీళ్ళేమి కోరి రాలేదు కదా. కేవలం శ్రీకృష్ణుణ్ణి చూసి అనందిద్దామని వచ్చారు. ఆయన సింహాసనంపై కూర్చొని, చిలిపి వాడు కదా, వీళ్ళను ఏడిపిద్దాం అన్నట్లుగా ఒక కాలు క్రింద పెట్టి “సవ్య పాదం ప్రసవ్య” ఎడమకాలు ప్రసరింపచేసాడు, “సృత దురితహరం దక్షిణం కుంచయిత్వా” దానిపై కుడి కాలు ఉంచి వీళ్ళకు తన పాదాలు కనిపించేలా అడిస్తూ కూర్చున్నాడు. ముఖారవిందం పదారవిందం అన్నీ అరవిందములవలే సుకుమారము, సౌగంద్యము, కోమలత్వము కల్గినవి కదా, ఆయన పాదాలని చూసి అయ్యో ప్రేమ ఉంది అని నటిస్తూ మేం కూడా నీ పాదాలు కందిపోయేలా చేసామే అంటూ భాదపడ్డారు. వెంటనే స్వామి దివ్య పాదారవిందాన్ని మొదలుకొని మంగళం పాడుతున్నారు.

ఈ రోజు పాశురాన్ని మంగళాశాసన పాశురం అంటారు. భగవంతుణ్ణి తెలుసుకున్న జీవుడికి రెండు రకాల దశలు ఉంటాయి. మొదటిది జ్ఞాన దశ, రెండోది ప్రేమ దశ. జ్ఞాన దశలో భగవంతుడు ఎట్లాంటివాడో, తనూ ఎట్లాంటివాడో తెలుసుకోవడం. భగవంతుడు చాలా గొప్పవాడు, జగత్తును రక్షించేవాడు అని తెలుసుకోవడం. తను ఏ జ్ఞానం లేనివాడు, భగవంతుడు రక్షిస్తే తప్ప రక్షణ లభించదు అని తెలుసుకుంటాడు. ఇక ఈ జ్ఞానం పండితే క్రమంగా ప్రేమ లేక భక్తి దశగా మారుతుంది. ఈ దశలో భగవంతుని కున్న శక్తిని మరచి ఆయన కున్న సౌకుమార్యం, సౌశీల్యం అనే గుణాలనే చూస్తాడు. ఇక తను అజ్ఞానిని అని మరచి తనే భగవంతుణ్ణి రక్షించుకోవాలని అనుకుంటాడు. ఒకనాడు జ్ఞానం కల్గినప్పుడు భగవంతుడు తనని రక్షించేవాడని భావించే అతను, భక్తితో ఈనాడు తాను భగవంతుణ్ణి రక్షించుకోవాలి అన్నట్టుగా మారుతాడు. ఏదైన ఒక వస్తువు విలువైనది అని మనకు తెలిస్తే మనం ఎట్లా అయితే రక్షించుకుంటామో అట్లానే. అందుకే మనం ఆలయాల్లో తలుపులు, తాళం అని ఇలా చేస్తుంటాం, జగత్ రక్షణ చేసే వాడికి మనం రక్షణ ఏంటి కనుక. అది ప్రేమచే చేస్తాం. దృష్టిదోషం తొలగుగాక అని, కర్పూరం ఎట్లా అయితే హరించుకు పోతుందో అట్లా దోషాలన్ని హరించుగాక అని మంగళం పాడుతాం.

గోదాదేవికి ఈ విషయం వాళ్ళ నాన్న గారు తెలిపారు. విష్ణుచిత్తులవారు మధురానగరం వెళ్ళి పాండ్య రాజ్యసభలో భగవత్ తత్వాన్ని నిరూపిస్తారు. అందుకు వారిని ఏనుగుపై అంబారీ చేసి ఊరేగిస్తుంటే భగవంతుడు ఆయనకు ప్రత్యక్షమైనాడు. వీళ్ళ కంటికి నీవు కనపడితే నీకు దృష్టి దోషం తగులును అని మంగళం పాడారు. పల్-ఆండు అనేక సంవత్సరాలు, పల్-ఆండు అనేక సంవత్సరాలు పలకోటి నూరు - ఇలా కోట్ల సంవత్సరాల వరకు నీకు మంగళం, శంఖానికి, చక్రానికి, పక్కన అమ్మకి అంటూ ఇలా మంగళం పాడారు. శ్రీరామాయణంలో కూడా రాముని పరాక్రమం తెలిసినవారుకూడా రామునికి ఎన్నోసార్లు మంగళం పాడారు. జగత్ కారణ తత్వం దేవకీ గర్భంలో ఉందని తెలిసి కూడా, ఆ చతుర్ హస్తాల్తో ఉన్న కృష్ణుడిని చూసి కంసునికి తెలిస్తే నీకే ఉపద్రవం వస్తుందోనని అన్నీ వెనక్కి దాచేసుకో అని దేవకీ అంటుంది. ఇవి ప్రేమతో చేసేవి. మన ఆలయాల్లో హారతి ఇచ్చే సంప్రదాయం కూడా ఇలా వచ్చిందే. అయితే హారతిని కళ్ళకు హద్దుకోరాదు. హారతిని ఆర్పి పక్కన పెట్టి, ఎవరికైతే దృష్టిదోషం తీస్తామో వారికి కళ్ళు, పాదాలు కడిగి ఆచమనం చేయిస్తాం. నీకు మంగళం అవుగాక అనేదే దీని అర్థం. ఈ జగత్తుకు పరమాత్మ వేరు కదా, ఆయన క్షేమంగా ఉంటే లోకం అంతా క్షేమం, ఇక ఆయనను కోరాల్సిన అవసరం ఏంటి కనుక.

ఆండాళ్ ఏనాడో ఆయన నడిచివచ్చినందు పాదాలు కందిపోయాయని మంగళం పాడుతుంది. వీళ్ళకు కాలంతో ప్రమేయం లేదు, ఎందుకంటే కాలం అనేది కూడా ఒక గాజుగోడ లాంటిదే. వీరి ముందేనా అంతా జరుగుతున్నది అని పరమ భక్తులు భావిస్తారు. "అన్ఱివ్వులగమ్" ఆనాడు వామనుడై లోకాలను "అళందాయ్" కొలిచిన, ఒక్కసారి అంతలా పెరిగినందుకు నీ పాదాలు ఎంత కందిపోయాయే! "అడి" ఆ పాదాలకు "పోత్తి" మంగళం.

"శెన్ఱ్" వెళ్ళి "అంగు" అక్కడ ఉన్న "త్తెన్-ఇలంగై" దక్షిణ దిక్కున అందంగా ఉన్న లంకానగరాన్ని పాలించే రావణాసురున్ని "శెత్తాయ్" సంహరించిన "తిఱల్" నీ భుజబలానికి "పోత్తి"మంగళం.

"పొన్ఱ"తారుమారు అయ్యేలా "చ్చకడం" శకటాసురున్ని "ఉదైత్తాయ్" తన్ని అంతమొందిచావు, ఏడు నెలల బాలుడవి, "పుగర్" నీ కీర్తికి "పోత్తి" మంగళం.

"కన్ఱు" దూడ రూపంలో ఉన్న వత్సాసురున్ని "కుణిలా" కర్రలా మార్చి వెలగ పండులో దాగిఉన్న కపితాసురునిపై "వెఱిందాయ్" గిరగిరా తిరిగి విసిరిపాడేసి "కరిల్" నీ పాదానికి "పోత్తి" మంగళం.

"కున్ఱు" పర్వతాన్ని "కుడైయా" గొడుగులా "వెడుత్తాయ్" ఎత్తి పట్టి అందరిని దరిన చేర్చుకున్న నీ "కుణమ్" సౌశీల్య గుణానికి "పోత్తి" మంగళం.

ఆండాళ్ స్వామిచేసిన ఇన్ని కార్యాలను కీర్తించిందికదా, ఎక్కడైనా దృష్టిదోషం తగులుతుందేమోనని, ఇవన్నీ చేసింది కృష్ణుడు కాదు అన్నట్లుగా "వెన్ఱు" గెలిచి "పకై కెడుక్కుమ్" విరోదభావం లేకుండా చేసే "నిన్ కైయిల్" నీ హస్తంలో ఉన్న "వేల్" శూలాయుధానికి, తండ్రి నందగోపుడి వద్ద ఉన్న ఆయుధం "కూర్వేల్" ఇదేకదా, ఆ శూలానికి "పోత్తి" మంగళం.

"ఎన్ఱెన్ఱ్" ఎల్లప్పుడు "ఉమ్ శేవకమే" నీ చరితమునే "యేత్తి" కీర్తించేలా "ప్పఱై" ఆ వాయిద్యాన్ని "కొళ్వాన్" తీసుకుంటాం. "ఇన్ఱు" ఈ రోజు "యాం" మేం ఎందుకు "వందోం" వచ్చామో "ఇరంగ్" తెలుసుకొని అనుగ్రహించు అంటూ ఈరోజు స్వామిని అడుగుతున్నారు.

నిన్న స్వామిని లేపి ఆసనంపై కూర్చోబెట్టారు, ఈ రోజు దృష్టి దోషం తొలగటానికి మంగళం పాడుతున్నారు. విగ్రహ రూపంలో ఉండే భగవంతుని వద్ద కూడా ఇంత సేవ జరుగుతుంది .ఇది మనం జ్ఞాపకం పెట్టుకోవాలి. మన ఇంట్లో కావచ్చు, మందిరంలో కావచ్చు విగ్రహం అంత శక్తి కలది, ఇది మన ఆండాళ్ మనకు తెలుపుతుంది.

PONGAL SWEET DRY FRUITS LADDU


డ్రై ఫ్రూట్ లడ్డు smile emoticon తయారీ విధానం smile emoticon

ఎదిగే పిల్లల్లో శరీర శక్తికి , జ్ఞాపక శక్తికి , సన్నగా ఉన్నవారు బలంగా తయారవడానికి డ్రై ఫ్రూట్ లడ్డు మంచి పోషకాలను,విటమిన్స్ , మినరల్స్ శరీరానికి అందిస్తుంది. ప్రతి ఒక్కరు ఈ డ్రై ఫ్రూట్ లడ్డు ఇంట్లో తయారుచేసుకొని పిల్లలకు పెట్టండి. సహజ సిద్ధమైన ఆహరం మాత్రమే శాశ్వత ఆరోగ్యం ఇస్తుంది.

smile emoticon కావాల్సిన పదార్ధాలు smile emoticon
1) ఖర్జూరం పండ్లు (గింజలు తీసేసి, చిన్న ముక్కలుగా చేయండి) - 2 కప్పులు
2) కిస్మిస్ - 1/4 కప్
3) జీడిపప్పు , బాదాం , పిస్తా - 1/4 కప్
4) అటుకులు - 1/2 కప్ (కొంచెం స్టౌ మీద వేయించాలి)
5) ఎండుకొబ్బరి తురుము - 1/4 కప్
6) బెల్లం - పాకం కోసం - కొంచెం
7) యాలకుల పొడి - 1 స్పూన్
8) నెయ్యి - లడ్డు అద్దడానికి

smile emoticon తయారీ విధానం smile emoticon
ముందుగా ఒక పెద్ద గిన్నెలో కొంచెం బెల్లం తీసుకొని , స్టౌ మీద పెట్టి పాకం అయ్యాక సిద్ధం చేసుకున్న ఖర్జూరం ముక్కలు , కిస్మిస్ , జీడిపప్పు , బాదాం , పిస్తా , అటుకులు , ఎండుకొబ్బరి తురుము , యాలకుల పొడి వేసి , స్టౌ వేడి మీద కలపండి. తర్వాత దించి చల్లారక నెయ్యి చేతికి రాసుకొని, లడ్డులు చేయాలి. ఒక 5 నిముషాలు ఆరబెట్టి నిల్వ చేసుకోండి.

smile emoticon వాడే విధానం smile emoticon
1) చదువుకొనే పిల్లలలకు స్కూల్ కి వెళ్ళేటప్పుడు ఒక లడ్డు తినిపించి , ఒక గ్లాస్ పాలు ఇవ్వండి.రోజుకు సరిపడా పోషకాలు అందుతాయి. లేదంటే స్కూల్ నుండి రాగానే ఇవ్వండి.

2) సన్నగా ఉన్నవారు లావు కావడానికి , నిద్రించే ముందు ఈ లడ్డు ఒకటి తిని గ్లాస్ పాలు త్రాగాలి.

PONGAL FESTIVAL ROSE PINK SAREE


KITCHEN ACCESSORIES - TEA POT


DESIGNER LINES STAR INDIAN RANGOLI PATTERN


LORD SIVA BHAKTHI SLOKA AND ITS TELUGU MEANING


2 LOVE BIRDS INDIAN RANGOLI PATTERNS


POLITICAL FRIENDSHIP


Tribute to yesteryear popular actress Nanda on her birth anniversary - Pencil Sketch by Sri Ponnada garu


LORD HANUMAN PONGAL FESTIVAL RANGOLI ART


BHOGI FESTIVAL CARTOONS COLLECTION


FLOWERS DECORATED BIG SIZE CIRCLE KOLAM ART


BIG LOTUS FLOWERS IN CIRCLE INDIAN RANGAVALLI PATTERNS


THAMANNA CINE PROFILE IN 2015


WELCOME 2 HOME DOORS INDIAN RANGOLI PATTERNS


SIMPLE DESIGNER HAND MEHANDI


SIMPLE DESIGNER LINES RANGOLI PATTERN


SANKRANTHI FESTIVAL 2016 TELUGU CARTOONS COLLECTION


FREEHAND DIAMOND SHAPED RANGOLI PATTERNS


FREEHAND INDIAN RANGOLI SIMPLE PATTERNS COLLECTION


LEAVES AND FLOWERS FREEHAND INDIAN RANGOLI PATTERNS


SIMPLE FLOWER INDIAN FREE HAND RANGOLI ART


NAMES AND AVATHARS OF GODDESS PARVATHI DEVI


పార్వతి దేవి పేర్లు, అవతారాలు

పార్వతికి ఎన్నోపేర్లు ఇంకెన్నో అవతారాలూ కలవు వాటిలో కొన్ని -

01. హైమ - హేమ (బంగారం) వర్ణము కలిగినది
02. అపర్ణ - పర్ణములు (ఆకులు) కూడా తినకుండా తపస్సు చేసినది.
03. శాంభవి - శంభుని అర్ధాంగి
04. భైరవి -
05. భగమాలిని -
06. మహిషాసుర మర్ధిని - మహిషుడు అనే రాక్షసున్ని సంహరించినది.
07. మాతంగి -
08. బగళాముఖి -
09. శివాణి, పరమేశ్వరి, ఈశ్వరి, మహేశ్వరి - ఈశ్వరుని అర్ధాంగి, సకల లోకములకు అధిదేవత
10. చాముండేశ్వరి - చండ, ముండులను సంహరించినది
11. కాత్యాయని - గొప్ప ఖడ్గము ధరించినది
12. ఉమ - బిడ్డా, తపమునకు పోవద్దని తల్లి మేనకచే పిలువబడినది
13. దాక్షాయణి - దక్షుని బిడ్డ సతీదేవిగా అవతరించినది
14. భవాని
15. త్రిపుర సుందరి, లలిత, రాజరాజేశ్వరి, శ్రీదేవి
16. బాల
17. కామేశ్వరి - సకల కామితార్ధములను ప్రసాదించునది
18. శతాక్షి, శాఖంభరి - (దేవీ భాగవతంలోని కథలు)
19. అంబిక - తల్లి
20. దుర్గాదేవి, శక్తి,
21. అమ్మల గన్నయమ్మ, ముగురమ్మల మూలపుటమ్మ, పెద్దమ్మ, సురారుల కడుపారడి 22. బుచ్చినయమ్మ
23. అన్నపూర్ణ
24. కనకదుర్గ

TRIANGLES HEXAGON INDIAN FREEHAND RANGOLI ART


BUSINESS UPS AND DOWNS


GANESH INDIAN FREE HAND RANGOLI ART PATTERNS


UPDATE YOUR BANK DETAILS IMMEDIATELY - EXPERTS ADVISE


PEACOCK LOVERS INDIAN RANGOLI ART DESIGNS AND PATTERNS


PAN CARD MUST FOR EVERY TRANSACTION - EXPERTS ANALYSIS IN TELUGU


FREEHAND INDIAN MAGIC STARS KOLAM ART


IS OWN HOUSE OR RENTED HOUSE BETTER - EXPERTS ANALYSIS